To All Dayak Voters in Batang Ai By-Elections: This is a Message for You

JAKO PESAN NGAGAI SEMOA RAKYAT BERANI KITAI BETUKAR NGAGAI JALAI PENERANG.....


Ari turun menurun bangsa kitai Dayak udah nguan Tanah Kampong Menoa Sarawak tu. Undang-undang menoa serta sempekat antarabangsa ngelala serta madah ka kitai bisi HAK penuh atas Tanah Adat Bangsa.

Tang pemerintah BARISAN NASIONAL diatiu, enda agi bebasa ka HAK kitai tang enggau paksa ngerampas tanah enggau Kampung Pemakai Menoa kitai.

Pemerintah BARISAN NASIONAL bebula madah ka pengawa sida dikena ngemansang kitai tang ia ke amatnya nguntung ka kaban sida, Kompani sida sereta kompani ke nyukong pengawa sida.

SURUHAN HAK ASASI MANUSIA MALAYSIA (SUHAKAM) dalam pengawa pansik undang-undang enggau sejarah menoa Sarawak taun 2007 [Remy Bulan] nyemetak bendar mega madah bangsa kitai agi ngembuan HAK ke atas tanah enggau Rampa Menoa nitih ka Adat Asal Kitai. Semenjak ari menoa kitai di pegai Perintah Sultan Brunei sampai ke sari tu HAK kitai ke atas Tanah Pesaka kitai enda kala putus nitih ke Adat Asal bangsa. Hak Asal kitai ke atas Tanah enggau kampong pemakai menoa mega di sah serta di tegap enggau pemutus Kot Tinggi( Mahkamah Persatuan) baka kes Medeli 2005, Sagong Tasi, lalu mega dalam kes Nor anak nyawai 2000. Semina Pemerintah BARISAN NASIONAL enggau suku menteri sida ngenusah pengidup kitai.

Rakyat mesti angkat kitai berani ngenan ka HAK tanah Adat Asal ke udah di beri aki ini kitai. Kitai patut sangup berjuang ke nyawa enggau darah kitai ngenan ka ia ngambi ke bisi di empu bala anak, uchu kitai ila. Pemerintah BARISAN NASIONAL ngena kuasa ari Polis nekan lalu mega nangkap kena ngemedis bangsa kitai ke ngenan tanah adat/pesaka lalu pia meg selalu ngena penguatkuasa land Survey ngeruboh Rumah Panjai bangsa kitai di serata Sarawak.


HAK KITAI DI JAGA DALAM UNDANG-UNDANG MALAYSIA. ADAT KITAI MESTI DI JAGA ENGGAU PENGANBIS ATI. TANAH PESAKA PATUT DI JAGA MULAI DIATU NGAMBI KE BISI DI TEMU LALU DI KEMANSANG BALA ANAK UCHU BANGSA KITAI KE JEMAH ILA. KITAI ULIH. KITAI BISI KUASA LEBOH MAYA BEPILIH. TU PELUANG KITAI. MESTI NEMU MILIH PEMGARI KE BERANI BEJAKO KE HAK ENGGAU PENUSAH TANAH ENGGAU BANGSA DAYAK.

ANANG AGI PERCAYA KA BARISAN NASIONAL TAU MERI PENYENANG KE BANGSA KITAI LEBIH AGI HAK TANAH ADAT KITAI.

BARISAN NASIONAL UDU UDAH LAMA NGEMELI, NGEMEDIS, NGEMALU BANGSA KITAI.

BARISAN NASIONAL UDAH NGASUH BANSA DAYAK MERINSA, MESKIN, KEPAPA, PEMERINTAH BARISAN NASIONAL MAKSA DAYAK LARI ARI TANAH ADAT KITAI.

BARISAN NASIONAL PENGAPUS BANGSA DAYAK (UBAH UNDANG-UNDANG 2000)

JOM SEMOA NGUNDI NGUBAH PEMYAMAI ENGGAU PENYENANG. ANANG NGUNDI BARISAN NASIONAL





PEMERINTAH BARISAN NASIONAL NGENA 4 CARA NGERAMPAS TANAH KITAI

1. Ngerampas Ngena Cara Ngubah Undang-Undang Tanah Di Dewan Undangan.
“ADAT” endang siti cara undang-undang ke endang udah lama di kena cara pemerintah ke dulu suba sebedau bisi pemerintah luar merintah kitai. Adat mega sama reti undang-undang lalu nyadi cara kitai Dayak ulih nuntut hak serta ngena tanah enggau Rampa Menoa. Tang undang-undang ADAT kitai diatu di kacau lalu enda agi di guna/kelala oleh pemerintah BARISAN NASIONAL. Ngena cara ngubah undang-undang di Dewan Undangan negeri, pengawa sida tu endang ngelanggar undang-undang Perintah Besai ( Federal constitution) genteran 162. Pemerintah BARISAN NASIONAL udah ngena cara ngubah Undang-undang Tanah Sarawak 2000 di Dewan Undangan Negeri, HAK kitai bangsa Dayak diatu di hapus.

Dewan Undangan Negeri Sarawak Ka diatu di pegai oleh pengari ari Barisan Nasional. Enda kita nemu bala Pegari ari BARISAN NASIONAL ke udah di pilih tu meh ke muai hak Adat kitai di Dewan Kunsil Negeri. Sida tu endang tetap majak ngikis hak adat kitai serta ngarampas lalu nyual menoa enti sida tu agi di pilih kitai megai kuasa .


2. Encuri Pengaraja Asal Ari Tanah Adat Kitai - Pengaraja Asal Rakyat Di Kikis.
BARISAN NASIONAL udah lama ngerusak bangsa kitai. Kurang lebih pengalama 30
taun ke udah BARISAN NASIONAL ngena taukey nebang kayu menoa, SAPA KE UNTUNG DEH? Udah ambis kayu di rampas, tang diatu tanah kitai mega deka di
rampas sida ngena nama “Pemansang”, lalu di jual ngagai kompani besai di kena ngaga ladang SAWIT. Politikus BARISAN NASIONAL ke patut nyaga hak kita, tang sida empu lalu nyadi kaya raja lalu rakyat nadai agi tanah menoa. Mayoh mega sekeda tanah rakyat ke diambi enda di bayar laban di kumbai sidah tanah perintah. Kasih meh bangsa kitai diatu nyadi orang Kampar di menoa diri, nyadi temuai di rumah diri. Bangsa kita majak seranta lalu mega lenyau kawasa ba tanah diri empu.

Diatu enda kurang ari 200 iti kes udah di panggai di Kot Tinggi di Seluroh Sarawak
endor sekeda bangsa kitai nyaman kompani enggau pemerintah BARISAN NASIONAL termasuk 6 iti kes ari Sri Aman. Semina siti aja jalai kitai ulih ngambi HAK ADAT kitai pulai. Tukar Pemerintah ke megai kitai ke diatu “BARISAN NASIONAL”. Kuasa milih sida nya kuasa kitai, nya alai diatu kitai mesti mulai ke kuasa ngagai kitai ngena cara nyingkir pengari BARISAN NASIONAL nyadi pengari kitai. “INGAT KITAI UKAI NGELABAN PERINTAH , TANG NGELABAN POLISI PEMERINTAH BARISAN NASIONAL.” INGAT PERINTAH NYA RAKYAT.

3. Barisan Nasional Ngerampas Tanah Rakyat Di Kena Ngaga Tekat Ai. Enda
Kurang Ari Ari 1000 Pintu Bilik Deka Lenyau Hak Tanah Adat Serta
Pengidup Di Kawasan Batang Ai.
Pemerintah BARISAN NASIONAL diatu udah netap ka deka ngaga 12 iti endor tekat Ai di seluroh Sarawak termasuk siti kawasan baru di atas tekat Hydro Batang Ai ke diatu. Nya alai lebih mayoh agi tanah bangsa kitai di kawasan Lubuk antu deka di rampas /ambi. Diatu sida benong deka ngambi kayu dulu baka di kawasan ulu Engkari. Udah kayu
ambis sida deka muru bangsa Iban ari menoa kita serta pengidup kita laban kawasannya deka ti ampuh enggai ai.

Ingat sejarah leboh pemerintah BARISAN NASIONAL ngaga Dam Batang ai,
sida bisi bersamaya deka nganti tanah ngagai kita tang sampai ke diatu semaya nya agi kosong lalu bedau di beri. Kitai mega di semaya di beri kuasa lampu eletrik. Sapa ka untung?


4. Ngerampas Tanah Kitai Atas Nama Nyaga Kampong Simpan. Nama
Kembuah Ngerampas Tanah Rakyat Di Kena Nyadi Kampong Simpan?
Pemerintah BARISAN NASIONAL Sarawak ke diatu bisi deka nambah ke pemesai kampong simpan di Batang Ai atas nama nyaga kampung. Nam tuju sida deka nambah nya diatu sepatut ia udah di perambu 30 tahun ke dulu. Enti amai pemerintah BARISAN NASIONAL deka nyaga kampong nama kembuah sida ngasoh kompani ngambi kayu dia deh?

Nitih ka pansik, bangsa Dayak di negeri Sarawak nya bansa ke agi mayoh meskin atau seranta, tang bala menteri enggau wakil /pengari barisan nasional nyau kaya raya, ari ke bejual tanah kitai.

Labels: batang ai, Parti Keadilan Rakyat, PKR, sarawak

Anonymous merepek ... permalink ... 4/02/2009 02:55:00 pm ...